Хууль зүй удирдлагын сургууль

Захирлын мэндчилгээ

Хууль Зүй Удирдлагын Сургууль нь МҮИС- ийн ууган сургуулийн нэг бөгөөд 1998 оноос сургалтын үйл ажиллагааг эхлүүлсэн. Өнгөрсөн хугацаанд эх орондоо олон мянган мэгэжилтэнг тасралтгүй бэлтгэсэн баялаг түүхтэй. Эдүгээ МҮИС- ийн Хууль Зүй Удирдлагын Сургуулийг үе үеийн төгсөгчид төр, хувийн хэвшил, хууль сахиулах байгууллагуудад амжилттай ажиллаж, ард олныхоо амар амгалан байдлыг сахиулах, хүний эрх, эрх чөлөөг хамгаалах, иргэдийн зөрчигдсөн эрхийг сэргээх, хохирлыг барагдуулахад өөрийн хүч, эрдэм мэдлэгээ дайчлан, улс эх орныхоо өнцөг булан бүрд хууль ёсыг чандлан сахиж, ур чадвараа дайчлан чин үнэнчээр зүтгэдэгт бахархдаг билээ. Манай салбар сургуулийн хамт олон сургалт, эрдэм шинжилгээ, судалгаа, урлаг спортын өндөр амжилтаа улам бататган “Оюутны 4 талт хөгжил”- ийг ханган “Багшийн хөгжлийн хөтөлбөр”-т тулгуурлан салбартаа болоод олон улсад танигдсан мэргэжилтэн бэлтгэх зорилготой ажиллаж байна. Энэхүү ололт амжилтыг бүтээсэн, бүтээлцэж байгаа эрдэмтэн багш ажилчид, оюутнууддаа, амжилт хүсэн талархал илэрхийлье. Хууль Зүй Удирдлагын Сургуулийн Захирал М.Ариунтуяа

Танилцуулга

ХЗУС- ийн зорилт: Эрдэм шинжилгээ, сургалт, судалгаа, инновацийг чухалчилж, нийгмийн үйлчилгээний цар хүрээ, чанараар Монгол Улсын хэмжээнд тэргүүлж Олон Улсад хүлээн зөвшөөрөгдсөн эрх зүйчдийг бэлтгэдэг сургууль болно. Дээрх зорилго, зорилтуудыг хангахын тулд “Хариуцлага- Цагийн менежмент- Чанар- Үр дүн” гэсэн зарчмыг багш, оюутнууд баримтлан сургалт, судалгааны үйл ажиллагааг явуулж байна.Хууль Зүй Удирдлагын сургууль байгуулсан түүхэн замнал: • 1998 оны 09 сарын 01-нд 81 оюутан, 9 багштай сургалтын үйл ажиллагаагаа эхэлсэн. Анхны багш нар Монгол Улсын гавьяат хуульч Хууль Зүйн шинжлэх ухааны доктор С Жанцан, Э.Авирмэд, багш Т. Халтар, Н. Баярмагнай, Л. Оюунтөгс, Б. Энх-Амгалан юм .• 2001 оны 01 сарын 10. Эрх зүйн эчнээ ангийг эрх зүйч мэргэжлээр 8 оюутан анх төгссөн. • 2002 оны 05 сарын 10. Эрх зүйч мэргэжлээр 59 оюутан өдрийн ангийг анх төгссөн. • 2010 оноос ХЗУС нь өрх тусгаарлаж эдүгээ МҮИС-ийн хамгийн том бүрэлдэхүүн сургуулийн нэг болжээ .• 2012 оны шинэ хичээлийн жилээс эхлэн МҮДС нь МҮИС болсноор ХЗУС нь бүтцийн өөрчлөлт хийж мэргэжлийн 3 тэнхим 18 багш, 700 орчим оюутан суралцаж байсан. • 2013 оны шинэ хичээлийн жилээс эхлэн мэргэжлийн 2 хөтөлбөр /эрх зүй, аюулгүй байдлын ажилтан /, 2015 оноос цэргийн эрдмийн хөтөлбөрийг хэрэгжүүлэн 26 багш, 1500 гаруй оюунтай өдөр, орой, эчнээ хэлбэрээр бакалавр, магистр, докторын сургалт явуулж байна Багш, судлаачдын 26% доктор, 60% докторант, 14% нь магистр, 35% нь мэргэшсэн болон олон улсын зэрэг, цолтой багш нар ажиллаж байна. Сургуулийн гадаад харилцаа, хамтын ажиллагааг жил тутам өргөжүүлэн арав орчим сургууль, мэргэжлийн байгууллагатай хамтран ажиллаж байна. НИЙТИЙН УДИРДЛАГА БАКАЛАВРЫН ХӨТӨЛБӨРНИЙТИЙН УДИРДЛАГА БАКАЛАВРЫН ХӨТӨЛБӨРИЙН ТАНИЛЦУУЛГА1. Хөтөлбөрийн ...

Хөтөлбөр

Хууль зүй удирдлагын сургууль