Уул уурхайн инженерийн сургууль

Захирлын мэндчилгээ

Монгол Улсын хөгжлийн тэргүүлэх салбар болох Уул Уурхай, Инженерийн үндэсний дээд боловсролтой мэргэжилтэн бэлтгэдэг манай сургууль Уул Уурхайн салбарын боловсруулах үйлдвэрүүдэд инженер, технологич, менежерүүдийг нийт 2006 оноос бэлтгэж байна.

Бидний эрхэм зорилго дэлхийн технологийн зах зээлд өрсөлдөх шинэ үеийн инженерүүдэд мэдлэг, чадамжид суурилсан, эх орныхоо хөгжил дэвшилд хувь нэмэр оруулахад чиглэсэн чанартай, үр дүнтэй, тогтвортой, хариуцлагатай үйлчилгээ үзүүлэхэд оршино. Академик сургалтын тогтолцооноос мэдлэг, чадамжид суурилсан прагматик сургалтын зохистой хувилбарыг сонгож үндэстэн дамнасан компани, корпорациудын шаардлага хангасан дэлхийн жишигт хүрcэн хаа ч ажиллах чадвартай мэргэжилтэн бэлтгэх шат дараалсан ажлууд хийж байна.

Өндөр мэдлэгтэй, туршлага дадлагатай, асуудлыг газар дээр нь шийдэж чаддаг, мэдээлэл технологийн болон хэлний зохих мэдлэгтэй, орчин үеийн шинжлэх ухааны шинэ мэдээллийг боловсруулах өндөр чадамжтай боловсон хүчнээр уул уурхай, геологи, аж үйлдвэрийн салбарыг хангах, төгсөгчдийг давтан сургах, туршлагатай мэргэжилтнүүдийг дагалдуулан ажиллуулахад бодлого баримтлан ажиллаж байна.

Л. Орхон, Доктор, Профессор

Уул Уурхай Инженерийн Сургуулийн Захирал

Та бүхний өмнө манай сургууль нээлттэй ба таны мэргэн сонголтонд тань амжилт хүсье!

Танилцуулга

Уул уурхай, инженерийн бүрэлдэхүүн сургууль нь 2006 оноос эхлэн элсэлт авсан бөгөөд 2007-2008 оны хичээлийн жилд тэнхимийн зохион байгуулалтанд шилжиж 2010 оны хичээлийн жилээс бие даасан сургууль болон хөгжиж байна. Манай сургууль нь 3 хөтөлбөрийн багт харьяалагдах 11 мэргэжлээр 1000 гаруй оюутан суралцаж байна. Мөн оюутнууддаа профессор 3, дэд профессор 4, шинжлэх ухааны доктор 2, доктор 6, Монгол улсын зөвлөх инженер1, мэргэшсэн инженер 3, докторант 7, 16 магистр нийт 42 үндсэн багш, сургалтын менежерийн бүрэлдэхүүнтэй сургалтын баг үйлчилж байна. Салбар сургууль сургалтын 15 танхим 9 лабораторитой. Тус сургууль нь Монгол улсад уул уурхайн болон инженерийн дээд боловсролтой мэргэжилтэн бэлтгэдэг хувийн хамгийн том сургууль юм. Бид бакалаврын сургалтын хөтөлбөрийг дэлхийн топ инженерийн сургалттай сургуулиудын хөтөлбөрт нийцүүлэн шинэчилсэн нь биднийг хөгжилд хөтлөх нэг том алхам болсон юм. Дэлхийн мэргэжлийн шилдэг сурах бичгүүдийг орчуулан сургалтандаа хэрэглэж байгаагаас гадна өөрийн эрдэмтэн судлаач багш нарын гаргасан сүүлийн үеийн сурах бичгүүдийг оюутны хүртээл болгон сургалтандаа ашиглаж байна. Төгсөгчид маань бакалаврын боловсролоос гадна англи хэлний TOEFL-ийн оноотой төгсдөг. Манай төгсөгчдийн 83% нь эх орныхоо Уул уурхайн салбарт хувь нэмрээ оруулан мэргэжлээрээ амжилттай ажиллацгааж байна. Багш, оюутан солилцооны гэрээтэй сургуулиуд Чусон Их Сургууль /БНСУ/ Шинхан Их Сургууль /БНСУ/ Даэжеон Их Сургууль /БНСУ/ Инчеон Их Сургууль /БНСУ/ Чоннам Их Сургууль /БНСУ/ Сэөүл Их Сургууль /БНСУ/ Жеонжу Их Сургууль /БНСУ/ Мугвон Их Сурууль /БНСУ/ Кангвон Их Сургууль /БНСУ/ Даэгу Их Сургууль /БНСУ/ Чонжу Их Сургууль /БНСУ/ Мёонжу Их Сургууль /БНСУ/ Ионсей Их Сургууль /БНСУ/ Бандунг Их Сургууль /Индонез/ Акита Их Сургууль /Япон улс/ КИИТ Их Сургууль /Энэтхэг улс/ Эрхүүгийн Техникийн ...