Магистр доктрантурын сургууль

Захирлын мэндчилгээ

ТА БҮХНИЙГ МОНГОЛЫН ҮНДЭСНИЙ ИХ СУРГУУЛИЙН МАГИСТРАНТУР, ДОКТОРАНТУРТ СУРАЛЦАХЫГ УРЬЖ БАЙНА. МДС нь дээд боловсролын дипломын дараах шатны сургалтыг төлөвлөх, зохион байгуулах үндсэн чиг үүрэг бүхий сургууль юм. МҮИС-ийн төгсөлтийн дараах сургалт анх 2004 онд эхэлсэн бөгөөд тус сургууль нь өнгөрсөн 13 жилийн хугацаанд нийт 700 гаруй оюутанд ахисан шатны боловсролын зэрэг олгож амжилттай төгсгөсөн байна. МДС нь иргэдийн сурч боловсрох эрэлт хэрэгцээг хангахад чухал үүрэг гүйцэтгэж магистр, докторын сургалтыг чанартай, тасралтгүй зохион байгуулж ирсэн бөгөөд доктор, профессор багш нарын мэдлэг, сургалт, эрдэм шинжилгээний ур чадвар, туршлагыг бүрэн дайчилж магистрант, докторант оюутнуудын судалгааны ажлын /дипломын ажил/ чанар, үр дүнг сайжруулах, инноваци, технологийг хөгжүүлэхэд онцгой анхаарч ажиллаж байна. 2017 оны байдлаар тус сургуульд 600 гаруй докторант, магистрант оюутнууд магистрын 11, докторын 5-н мэргэжлийн хөтөлбөрөөр амжилттай суралцаж байна. МДС нь намар, хаврын элсэлт өвөл, хаврын төгсөлт зохион байгуулдаг бөгөөд суралцагсдад зориулсан сургалтын чанартай хөтөлбөр, уян хатан төлбөрийн нөхцөл , ажлын байраа хадгалан суралцах боломжийг санал болгож байна. МҮИС-ийн Магистр, Докторын Сургуулийн захирлын үүрэг гүйцэтгэгч Б.Баянмөнх

Танилцуулга

Төгсөлтийн Дараах Сургалтын алба нь: Дипломын дараах мэргэжлийн хөтөлбөрүүдийн нэг төрөл, магистрант, докторант оюутны тоо нэмэгдсэнээр 2017 оны 08 дугаар сараас эхлэн МҮИС-ийн бие даасан Магистр, Докторын Сургууль /МДС/ болон өргөжсөн. Тус сургуулийн захирлаар доктор/Ph.D/ Б.Баянмөнх, Хүмүүнлэгийн Ухаан, Эрх зүйн хөтөлбөрийн ахлагчаар доктор/Ph.D/ А.Пүрэвдулам, мэргэжилтнээр П.Баясгалан нар тус тус ажиллаж байна. Магистрантурын сургалт анх 2004 онд Эрх зүйн магистрантурын сургалтаар эхэлсэн бөгөөд Монголын Үндэсний Их сургуулийн боловсролын үйлчилгээний нэр төрөл, тоо хэмжээ өргөжсөнөөр Хууль зүйн удирдлага, Эдийн Засаг, Бизнесийн удирдлага, Аялал жуулчлал, Гадаад хэл шинжлэл, Боловсрол судлал, Уул уурхайн ашиглалтын технологи, Уул уурхайн машин тоног төхөөрөмж, Энтрепренершип ба инноваци, Цахилгааны инженер, Компьютер програм хангамжийн гэсэн нийт 11 чиглэлээр “Мэргэжлийн болон Судалгааны” магистр, Хууль зүйн удирдлага, Боловсрол судлал, Эдийн Засаг, Компьютер програм хангамж, Уул уурхайн ашиглалтын технологи гэсэн 5 чиглэлээр докторын сургалтыг зохион байгуулж байна. Та манай сургуульд сурснаар Монголын хамгийн том Инноваци Технологийн Төвд олон улсын төсөл хөтөлбөрүүд дээр ажиллаж буй эрдэмтэн, профессор багш нарын судалгааны багт хамтран ажиллаж бизнесийн болон бусад салбарын хүрээнд хамтын ажиллагаагаа өргөжүүлэх боломж, үүд хаалга тань нээгдэх болно.

Хөтөлбөр

Магистр доктрантурын сургууль