Барилга инженерийн сургууль

Захирлын мэндчилгээ

Монголын хамгийн том МҮИС-ийн Барилга инженерийн сургуулийн эрдэмтэн багш, нийт оюутнуудын өмнөөс та бүхэнд чин сэтгэлийн мэндчилгээ дэвшүүлж байна. МҮИС-ийн УУБИС бүрэлдэхүүнд үйл ажиллагаагаа явуулж байсан барилгын менежмент, дизайны тэнхим 2013 оноос бие даасан Барилга инженерийн сургууль болон өргөжиж, барилгын 4 мэргэжлээр бакалаврын зэрэгтэй нийт 600 гаруй боловсон хүчин бэлтгэж, улс орныхоо хөгжилд хувь нэмрээ оруулаад байна. 2017 оны байдлаар 30 гаруй эрдэмтэн багш ажиллаж, 1000 орчим оюутан иргэний ба үйлдвэрлэлийн барилгын инженер, барилгын менежмент, авто замын барилгын инженер, барилгын бүтэц эдлэлийн технологи, сантехникийн байгууламжийн инженер, дулааны инженер зэрэг мэргэжлээр амжилттай суралцаж байна. Манай төгсөгчид эзэмшсэн мэргэжлээрээ улсын болон хувийн хэвшлийн янз бүрийн салбарт амжилттай ажиллаж, улам бүр өсөн дэвшиж байгаад бид бүхэн баяртай байдаг. Даяаршин өөрчлөгдөж буй дэлхийн хөгжил дэвшилтэй зэрэгцэн алхах, үндэсний түүх соёл, шударга ёс, хуулиа дээдэлсэн, төгс гүйцэтгэл, хариуцлагатай шинэ эриний төгс манлайлагч инженерүүдийг бэлтгэхэд манай сургуулийн эрхэм зорилго оршино. 2021 оны МҮИС-ийн стратеги төлөвлөгөө “дэлхийн шилдэг 500 их сургуулийн нэг болох”-той уялдуулан манай салбар сургууль дэлхийн шилдэг их сургуулиудын сургалт судалгаа, эрдэм шинжилгээний арга барилыг нэвтрүүлэхээр идэвхтэй ажиллаж байна. Эвийг эрхэмлэгч, шинийг санаачлагч, эрдмийг шүтэгч та бүхний өмнө манай сургуулийн үүд хаалга үргэлж нээлттэй байх болно. Хүндэтгэсэн: Барилга инженерийн сургуулийн захирал Ж. Базарсад

Танилцуулга

Эрхэм зорилго: “ Шинэ эриний төгс инженерүүдийг бид бэлтгэнэ”БИС-ийн зорилт: Орчин үед барилга, дулааны бүтээн байгуулалтын салбарт чадварлаг мэргэжилтэн инженерүүдийг бэлтгэж улмаар барилга, дулааны инженер, технологич чиглэлийн хувийн хэвшлийн биеэ даасан сургууль болохБарилга инженерийн сургууль байгуулсан түүхэн замнал• БИ сургууль нь 2010 оны 11 сарын 06-ны өдрөөс эхлэн Барилга Авто Замын Тэнхим гэсэн нэртэйгээр УУИС-ийн бүрэлдэхүүнд үйл ажиллагаагаа эхэлсэн .•2013-2014оны хичээлийн жилд бие даасан МҮИС-ийн бүрэлдэхүүн сургууль болсон. •Тус сургууль нь Барилга, Авто зам, Дулаан сантехникийн 3 хөтөлбөрийн багтай •Хөтөлбөрийн багийн ахлагч нар нь: Авто зам – МУ-ын техникийн зөвлөх инжежер Ц.Булган ,Дулаан сантехник – докторант З.Нэрмөнх, Барилга –магистр Б.Эрдэнэчимэг •Манай сургууль нь нийт 30 орчим багштай. Эдний 7 нь Монгол улсын зөвлөх болон тэргүүлэх инженер, 8 нь доктор профессор, 6 нь докторант, 20-иод нь магистр зэрэгтэй. Нийт 1300-аад оюутан 6 мэргэжлээр суралцаж байна•2013 оны 5 сарын 10-нд ” Барилгын менежмент” мэрэгжлээр анхны 20 оюутан төгссөн.Дулааны инженерийн тэнхимийн гадаад, дотоод хамтын ажиллагаа•ОХУ-ын Эрхүүгийн Техникийн их сургууль, Москвагийн Эрчим Хүчний Дээд Сургууль (Техникийн Их Сургууль), Новосибирскийн Техникийн их сургууль, Улаан-Үдийн Зүүн Сибирийн технологийн их сургууль, Япон улсын JICA, JOCV, Английн VSO, АНУ-ын Калифорнийн Их сургууль, US Solar байгууллага, хамт олонтой сургалт, эрдэм шинжилгээний ажлаар хамтын ажиллагааг өрнүүлэн ажиллаж байна.•Дархан ДЦС” ТӨХК, “ДЦС 2” ТӨХК, “ДЦС 3” ТӨХК, “ДЦС 4” ТӨХК, “Эрдэнэт ДЦС” ТӨХК, “Улаанбаатар Дулааны шугам сүлжээ” ТӨХК зэрэг сургалт, оюутнуудыг дадлагажуулах, лабораторийн ажлуудыг гүйцэтгэх зэргээр хамтын ажиллагааны олон хэлбэрээр ажиллаж, тэдний сургалт, үйлдвэрлэлийн баазыг сургалтандаа ашиглаж байна. Барилга инженерийн сургуулийн дотоодын хамтын ажиллагаатай байгууллагууд•Монголын барилгачдын холбоо•Монголын барилгачдын инженерүүдийн холбоо•Монголын авто ...