Анагаах ухааны сургууль

Захирлын мэндчилгээ

Манай сургуулийн хуудсаар зочилж буй эрхэм танд энэ өдрийн мэндийг хүргэе. Анагаах Ухааны Сургууль нь 2014-2015 оны хичээлийн жилд МҮИС-ийн отгон сургуулиудын нэг болж үйл ажиллагаагаа явуулж эхэлсэн. Одоогоор найман төрлийн мэргэжлээр элсэлт авч 600 гаран оюутантай, 30 гаран эрдэмтэн багштай хамт олон болсон. Манай сургууль боловсрол, эрдэм шинжилгээ, эрүүл мэндийн үйлчилгээ үзүүлэгч шилдэг сургууль байж мэргэжлийн өндөр ур чадвартай, хүмүүнлэг, олон улсын төвшинд өрсөлдөхүйц хэмжээний мэргэжилтэн бэлтгэх эрхэм зорилго тавин ажиллаж байна. Олон улсад зөвшөөрөгдсөн чадвартай боловсон хүчин бэлтгэнэ гэдэг нь хувь хүнд мэргэжлийн мэдлэг, чадвар олгосноор хязгаарлагдах бус сэтгэхүй, харьцаа хандлага, бие бялдар гоо зүйн өвтэгш төлөвшилөөр тодорхойлогдоно хэмээн бид үздэг. Энэ ч үүднээс манай сургуульд оюутны 4 талт хөгжлийн хөтөлбөрийг амжилттай хэрэгжүүлж, үүгээр дамжуулан оюутан өөрийгөө нээн хөгжүүлэх боломжийг олгодог. Дэлхий нийт даяарчлагдан, хурдацтай хөгжиж буй эрин үед бид бусдаас хоцрохгүй, хошуучлан алхах зайлшгүй шаардлагатай. Энэхүү эрхэм зорилгодоо хүрэх гол түлхүүр нь дадлага туршлагатай эрдэмтэн багш нар, зорилгоо ухамсарласан оюутан залуус, тэднийг дэмжигч ар гэрийнхэн болон сургуулийн захиргаа гэсэн дөрвөлсөн холбооны амжилттай хамтын ажиллагааны үр дүн байх нь гарцаагүй билээ. Хорвоод хамгийн энэрэнгүй ачтан гэгдэх эмч, эмнэлгийн мэргэжилтэн болохоор их хүсэл зорилгыг өвөрлөн тэмүүлэл, эрмэлзлээр жигүүрлэсэн залуус та бүхэн манай сургуульд тавтай морилно уу. АУС-ийн захирал профессор С. Сэдэддулам

Танилцуулга

Эрхэм зорилго: Мэргэжлийн өндөр ур чадвартай, хүмүүнлэг, олон улсын түвшинд өрсөлдөхүйц хэмжээний мэргэжилтэн бэлтгэдэг, боловсрол, эрдэм шинжилгээ, эрүүл мэндийн үйлчилгээ үзүүлэгч шилдэг сургууль байна. Зорилт: Дэлхийн шилдэг сургалтын технологийг сургалтандаа ашиглах Судалгаа шинжилгээний олон улсын чиг хандлагыг тусгасан тэргүүлэх зэргийн инноваци, эрдэм шинжилгээний байгууллага болох Олон улсад хүлээн зөвшөөрөгдсөн хөтөлбөрийн дагуу сургалт явуулдаг улсын хэмжээний яаралтай тусламжийн сургалтын төв болох Ирээдүйн эмч, эмнэлгийн мэргэжилтэнд ёсзүй, харилцаа, хандлагын төлөвшил олгох ГАДААД ХАРИЛЦАА, ХАМТЫН АЖИЛЛАГАААУС нь дэлхийн шилдэг сургалтын технологийг сургалтандаа ашиглах, судалгаа шинжилгээний олон улсын чиг хандлагыг тусгасан тэргүүлэх зэргийн эрдэм шинжилгээний байгууллага болох зорилтын хүрээнд гадны шилдэг их дээд сургууль, эрдэм шинжилгээний байгуулагуудтай хамтын ажиллагаагаа эхлүүлээд байна. Стэнфордын Их Сургууль, АНУ Чoсаны Их Сургууль, БНСУ Тайпейн Анагаах Ухааны Их Сургууль, Тайвань Daegu Haanu Их Сургууль, БНСУ СУРГАЛТЫН ҮЙЛ АЖИЛЛАГАА, МЭРГЭЖЛИЙН ЧИГЛЭЛ2014-2015 оны хичээлийн жилд доорх 4 төрлийн мэргэжлийн чиглэлээр бакалаврын зэрэг олгох сургалт явуулж байна. Үүнд: 1.Нийгмийн эрүүл мэнд2.Нүүр ам судлал3.Сувилахуй4.Уламжлалт анагаах ухаан

Хөтөлбөр

Анагаах ухааны сургууль